ക്രിസ്തുവിന്റെ പ്രബോധനങ്ങള്‍ ക്രിസ്ത്യാനികള്‍ അല്ലാത്തവര്‍ക്കും പ്രിയങ്കരമാണ്. മറ്റു മതസ്ഥരില്‍ നിന്നും വ്യത്യസ്തമായി ക്രിസ്ത്യാനികള്‍ ക്രിസ്തുവില്‍ കാണുന്ന മഹത്വം ക്രിസ്തുവിന്റെ കുരിശു മരണവും ഉയിര്‍പ്പുമാണ്.
ക്രിസ്തുവിന്റെ ഭൌതിക ജീവിതം സംബന്ധിച്ച് ആരെന്ത് എഴുതിയെന്നുള്ളത് ഭൌതിക വ്യവഹാരങ്ങള്‍ മാത്രമാണ്. ക്രിസ്തു വിവാഹിതനായിരുന്നുവെന്നും കുട്ടികളുണ്ടായിരുന്നുവെന്നുംമറ്റും തെളിയിക്കാന്‍ ശ്രമിക്കുന്നത് ക്രിസ്തുവിന്റെ മഹത്വത്തിന് മങ്ങല്‍ എല്പിക്കുന്നില്ല . കാരണം ലോകത്തിന്റെ പാപങ്ങള്‍ക്ക്‌ വേണ്ടി ഒരാള്‍ അതിനു മുമ്പോ അതിനു ശേഷമോ മരണം വരിച്ച ചരിത്രം ഉണ്ടായിട്ടില്ല.
കല്പനകളുടെ ലംഘനങ്ങളിലൂടെ പാപികളായി തീര്ന്നവര്‍ക്ക് ക്രിസ്തുവിന്റെ ദേഹ ബലിയിലൂടെ പാപ മോചനം. ക്രിസ്തുവിനെ രക്ഷകനായി സ്വീകരിക്കുന്നതിലെ ലോജിക് ഇത് തന്നെ. കരിക്കന്‍വില്ലാ കൊലക്കേസിലെ മുഖ്യ പ്രതി ജയില്‍ മോചിതനായതിനു ശേഷം അറിയപ്പെടുന്ന സുവിശേഷ പ്രവര്‍ത്തകനായി മാറിയെങ്കില്‍ അതിനു പിന്നില്‍ ഈ ലോജിക് തന്നെയാണുള്ളത്.
കൊലപാതകമോ മറ്റു മാരക പാപങ്ങലോ ചെയ്ത് പശ്ചാത്താപ വിവശരായി സുവിശേഷ വേലയിലെര്‍പ്പെടുന്നതും വെറും ഭൌതിക നേട്ടങ്ങള്‍ക്ക്‌ വേണ്ടി ദൈവദാസനായി സ്വയം അവരോധിക്കുന്നതും തമ്മില്‍ വ്യത്യാസമുണ്ട്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ