ചില സമുദായ തീവ്രവാദികളും സമുദായത്തോടോ സഭയോടോ വൈദികരോടോ അത്രയൊന്നും ആഭിമുഖ്യമില്ലാത്ത മറ്റു ചില സമുദായാംഗങ്ങളും കൈകോര്‍ത്ത്‌ ക്നാനായ സമുദായം ഇതാ നശിക്കാന്‍ പോകുന്നു എന്ന മട്ടിലുള്ള അഭ്യൂഹം പരത്താന്‍ തുടങ്ങിയിട്ട് നാളേറെയായി. ഈ വിഷയം സംബന്ധിച്ച് ലോകത്താകമാനമുള്ള ക്നാനായ കത്തോലിക്കാ സമുദായാംഗങ്ങളുടെ നിലപാട് എന്തായിരിക്കും?
കേരളത്തിലും അമേരിക്കയിലും മാത്രമാണോ ക്നാനായക്കാര്‍ ഉള്ളത്? ലോകത്ത്‌ വിവിധ രാജ്യങ്ങളിലായി കഴിയുന്ന ഈ ന്യൂനപക്ഷ സമൂഹം അതിന്റെ തനിമയും പാരമ്പര്യവും കാത്തു സൂക്ഷിക്കുന്നതില്‍ എന്നും പ്രതിജ്ഞാബദ്ധരാണ്. സ്വവംശ വിവാഹനിഷ്ഠയില്‍ വിശ്വസിക്കുകയും അഭംഗുരം പിന്തുടരുകയും ചെയ്യുന്നു എന്നുള്ളതാണ് ഇതിനുള്ള തെളിവ്‌. സഭയുടെ കീഴില്‍ പ്രവര്‍ത്തിക്കുന്ന മാര്യേജ് ബ്യൂറോയും മുഖപത്രവും സമുദായാംഗങ്ങള്‍ക്ക്‌ ജീവിത പങ്കാളികളെ കണ്ടെത്തുന്നതില്‍ ഇന്ന് ചെറുതല്ലാത്ത പങ്ക് വഹിക്കുന്നുണ്ട്.
ലോകത്തെവിടെയുമുള്ള ക്നാനായ യുവാവിനും യുവതിക്കും വിവാഹബന്ധത്തിലേര്‍പ്പെടാന്‍ സഹായകമായ സഭാസംവിധാനമാണ് കേരളത്തില്‍ ഇന്നുള്ളത്. ആയിരത്തി തൊള്ളായിരത്തി പതിനൊന്നു മുതല്‍ കത്തോലിക്കാ സഭയുടെ കീഴില്‍ സ്വയാധികാര സഭയായി തുടരാന്‍ റോം അനുവദിച്ചതിലൂടെയാണ് ഇത് സാധ്യമായത്. ഇത് വഴി സഭയും സമുദായവും ഒരു പോലെ വളരുകയായിരുന്നു.
കേരളത്തില്‍ സഭയുടെ സ്വയാധികാരം ആര്‍ക്കും ചോദ്യം ചെയ്യാനാവാത്തതാണെന്നിരിക്കെ അമേരിക്കയിലോ ലോകത്ത്‌ മറ്റെവിടെയുമോ ഉള്ള ക്നാനായക്കാര്‍ ഭയക്കേണ്ടതുണ്ടോ? അന്യസമുദായത്തില്‍ നിന്നും വിവാഹം ചെയ്തവരെ കുറിച്ച് എന്തിനാണീ മുറവിളി? അമേരിക്കയില്‍ മാത്രമല്ല; ലോകത്ത്‌ മറ്റെവിടെയും സമുദായം മാറി വിവാഹം ചെയ്തവര്‍ ആരാധനയ്ക്കും മറ്റ് കൌദാശിക ആവശ്യങ്ങള്‍ക്കും ക്നാനായ സമൂഹത്തോട് ചേരുന്നത് കൊണ്ട് എന്താണ് കുഴപ്പം? വിവാഹം ഒഴികെ മറ്റെല്ലാ കാര്യങ്ങളിലും അവരുമായി സഹകരിക്കുന്നതില്‍ എന്താണ് തെറ്റ്? ക്നാനായക്കാര്‍ മറ്റു മലയാളി സമൂഹങ്ങളുമായി സഹവാസം ഇല്ലാത്തവരാണെന്ന വല്ല തെറ്റിദ്ധാരണയും ആര്‍ക്കെങ്കിലും ഉണ്ടോ?
മലയാളിസാന്നിധ്യമുള്ള ലോകരാജ്യങ്ങളില്‍ സംഘടനകളുടെയും പള്ളി പ്രവര്‍ത്തനങ്ങളുടെയുമൊക്കെ പിന്നില്‍ ക്നാനായക്കാര്‍ എന്നും മുന്‍പന്തിയിലാണ് ഉള്ളത്. ക്നാനായക്കാര്ക്ക് പള്ളികള്‍ ഉണ്ടായിരിക്കാം ഇല്ലായിരിക്കാം, ക്നാനായക്കാരായ വൈദികര്‍ ഉണ്ടായിരിക്കാം ഇല്ലായിരിക്കാം അതൊന്നും ക്നാനായക്കാര്ക്ക് ഒരു വിഷയമേ ആകുന്നില്ല. ഈയൊരു മനോഭാവത്തിന് കാരണം, കേരളത്തില്‍ കോട്ടയത്ത്‌ നമ്മുടെ സ്വന്തം രൂപതയുണ്ടെന്ന ആത്മാഭിമാനം മാത്രമല്ലാതെ മറ്റൊന്നുമല്ല.
വിദേശരാജ്യങ്ങളില്‍ ചിലപ്പോള്‍ ചില ക്നാനായ വൈദികരെ കണ്ടെത്തിയേക്കാം. പക്ഷെ അവര്‍ പ്രതിനിധീകരിക്കുന്നത് മറ്റ് സഭകളെയാകും. അവരോടു ക്നാനായക്കാര്ക്ക് പ്രത്യേക അടുപ്പം തോന്നിയെന്നും വരാം. എന്നാല്‍ അവര്‍ അത്തരം വികാരങ്ങളെ ക്നാനായ തീവൃതയോടെ ഉള്‍ക്കൊള്ളണമെന്നില്ല. കാരണം അവര്‍ പതിനാറു വയസ്സ് മുതല്‍ വീട്ടുകാരെ ആശ്രയിക്കാതെ തങ്ങള്‍ വന്നു പെട്ട സഭയുടെ ഔദാര്യത്തില്‍ കഴിഞ്ഞവരാണ്. തങ്ങള്‍ക്ക് ജീവിതാന്തസ് നല്‍കിയ സഭയോട് കൂറ് പുലര്‍ത്തുന്നത് തികച്ചും നീതിയാണ് താനും. ഒരു ക്നാനായക്കാരന്‍ ആകുമ്പോള്‍ പ്രത്യേകിച്ചും.
വൈദികര്‍ മാത്രമല്ല, ക്നാനയക്കാരായ എത്ര പെണ്‍കുട്ടികള്‍ മറ്റ് സഭകളുടെ കീഴില്‍ രാജ്യത്തിനകത്തും പുറത്തുമായി സന്യസ്തരായി സേവനം ചെയ്യുന്നു? ഇതൊന്നും ചിന്തിക്കാതെയും മാനിക്കാതെയും അല്‍മേനികളായ നാം മറ്റ് സഭകള്‍ക്ക് മേല്‍ സമ്മര്‍ദ്ദം ഏര്‍പ്പെടുത്തുന്നതിനെക്കുറിച്ച് ചിന്തിക്കുന്നത് ന്യായവും യുക്തവുമാണോ? മറ്റ് സഭകളും സമുദായങ്ങളും നമുക്ക്‌ റോമില്‍ നിന്ന് കിട്ടിയ അന്തസിനെ ബഹുമാനിക്കുമ്പോള്‍ രാഷ്ട്രീയ പാര്‍ട്ടികളില്‍ സംഭവിക്കുന്നതുപോലെ നമ്മുടെ തന്നെ സമുദായാംഗങ്ങള്‍ പാളയത്തില്‍ പട എന്ന മട്ടില്‍ സമരകാഹളം മുഴക്കുന്നതിലെ അപക്വത ലോകരാജ്യങ്ങളില്‍ കഴിയുന്ന ക്നാനായക്കാര്‍ തിരിച്ചറിയില്ലെന്നാണോ?
അമേരിക്കയില്‍ കഴിയുന്ന നമ്മുടെ തന്നെ സമുദായാംഗവും സഭാംഗവുമായ വൈദികനെ സമുദായത്തിന്റെ ഒറ്റുകാരനായി ചിത്രീകരിച്ച് തുടങ്ങിയിട്ടും കാലം കുറെയായി. നമ്മള്‍ അല്‍മേനികള്‍ അല്ലേ സമുദായത്തിന്റെ ഇന്നത്തെ പ്രതിസന്ധികള്‍ക്ക്‌ യഥാര്‍ത്ഥ കാരണക്കാര്‍ ? സമുദായം മാറി വിവാഹം ചെയ്തവരാണ് ഈ പ്രതിസന്ധികള്‍ സൃഷ്ടിച്ചത്; അല്ലാതെ, വൈദികരല്ല. വെറുതെ വൈദികരെ നമ്മുടെ തെറ്റുകള്‍ക്ക് നാം ശിക്ഷിക്കേണമോ?
2012, ഏപ്രിൽ 24, ചൊവ്വാഴ്ച
2012, ഏപ്രിൽ 17, ചൊവ്വാഴ്ച
ക്നാനായ കത്തോലിക്കാ കോണ്ഗ്രസും വിഡ്ഢിദിനത്തിന്‍റെ പ്രസക്തിയും.
ക്നാനായ സമുദായത്തില്‍ നിന്ന് കൂട്ടത്തോടെ സമുദായാംഗങ്ങള്‍ പുറത്തേക്കൊഴുകുന്നുവെങ്കില്‍ സമുദായത്തെ സംബന്ധിച് അതൊരു പ്രതിസന്ധിയാണ്. സമുദായത്തിന് ഇന്ന് അങ്ങനെയൊരു പ്രതിസന്ധിയില്ലെന്ന് മാത്രമല്ല; അമ്പത് നോയമ്പ് വീടിയതിന്റെ തൊട്ടു പിറകെ ഒന്നിന് പിറകെ ഒന്നായി ക്നാനായ കത്തോലിക്കാ പള്ളികളില്‍ സമുദായാംഗങ്ങളുടെ വിവാഹം ആശീര്‍വദിക്കപ്പെടുകയുമാണ്. ഇവര്‍ എല്ലാവരും തന്നെ കേരളത്തിന്‌ വെളിയിലും ഇന്ത്യക്ക്‌ വെളിയിലും ഒക്കെയായി ജോലി ചെയ്യുന്നവരുമാണ്.
സമുദായത്തിന് എന്തോ വലിയ പ്രതിസന്ധികള്‍ ഉണ്ടെന്നും അതിന്റെ ഉറവിടം അമേരിക്കയാണെന്നും അതില്‍ തങ്ങള്‍ക്കുള്ള ഉത്ക്കണ്ട വളരെ വലിയതാണെന്നും ഒക്കെ ക്നാനായ കത്തോലിക്കാ കോണ്‍ഗ്രസ് വിലയിരുത്തുകയുണ്ടായി. അതിനു അവര്‍ കണ്ടെത്തിയ ദിവസം ലോക വിഡ്ഢിദിനമായ ഏപ്രില്‍ ഒന്നാം തിയതിയായത് യാദൃശ്ചികമാകാം! അമേരിക്കയില്‍ സമുദായത്തിന് വെളിയില്‍ നിന്ന് വിവാഹം കഴിച്ചവര്‍ക്ക് ക്നാനായ മിഷനുകളില്‍ തുടരാമെന്ന് നിയമം അനുശാസിക്കുന്നുണ്ട് എന്ന മൂലക്കാട്ട് പിതാവിന്‍റെ വെളിപ്പെടുത്തലാണ് ഈ അങ്കലാപ്പുകള്‍ക്ക് ആധാരം.
ഇത് അമേരിക്കയില്‍ മാത്രമായി ഒതുങ്ങാതെ നാട്ടിലുള്ള എല്ലാ ക്നാനായ ഇടവകകളിലും അന്യ സമുദായത്തില്‍ നിന്ന് വിവാഹം ചെയ്തവര്‍ ഈ നിയമത്തിന്റെ ചുവടു പിടിച്ച് മാതൃ ഇടവകകളില്‍ ഇടിച്ചു കയറി സമുദായത്തെ നശിപ്പിക്കും എന്നൊക്കെയാണ് ആവലാതികള്‍ ! സമചിത്തതയോടെ ഈ വിഷയം ആരും കൈകാര്യം ചെയ്യുന്നില്ല എന്നുള്ളതാണ് ഈ വൈകാരിക വിക്ഷോഭങ്ങള്‍ ഇത്രയേറെ കൊട്ടിഘോഷിക്കാന്‍ കാരണമാകുന്നത്.
ക്നാനായ സമുദായാംഗങ്ങള്‍ നേതൃത്വം നല്‍കുന്നു എന്നവകാശപ്പെടുന്ന ബ്ലോഗുകളിലും ഇ മെയില്‍ ഗ്രൂപ്പുകളിലും ചിലതൊഴിച്ച് ബാക്കിയെല്ലാം ഈ വിഷയം സംബന്ധിച്ച് പൊള്ളയായ അസംബന്ധങ്ങള്‍ എഴുന്നള്ളിച്ച് തമ്മില്‍ തല്ലുകയാണ്. രക്തം നല്‍കി ജീവന്‍ നല്‍കി സമുദായത്തെ സംരക്ഷിക്കുമെന്ന് ചിലര്‍ ഗീര്‍വാണം മുഴക്കുന്നു. ഇതൊന്നും കാര്യമായി ഏശാത്തവരാണ് സാധാരണക്കാരായ സമുദായാംഗങ്ങള്‍ . അതുകൊണ്ട് തന്നെ അവര്‍ ഇതൊന്നും ആലോചിക്കുകയോ ചര്‍ച്ചകള്‍ നടത്തുകയോ പോലും ചെയ്യാതെ മക്കള്ക്ക് സമുദായാംഗങ്ങളായ ഇണകളെ അന്വേഷിക്കുകയും കണ്ടെത്തി വിവാഹം കഴിപ്പിക്കുകയും ചെയ്യും.
നൂറ്റാണ്ടുകളായി സമൂഹം നിലനില്‍ക്കാന്‍ ഇടയായതും സ്വവംശ വിവാഹനിഷ്ടയില്‍ പൂര്‍വികര്‍ ജാഗ്രത പുലര്‍ത്തിയത് കൊണ്ടാണു. അല്ലാതെ സംഘടനകള്‍ പ്രമേയം പാസക്കിയതിലൂടെയല്ല. സമുദായം മാറി വിവാഹം കഴിച്ചവര്‍ തികഞ്ഞ ബോധ്യതോടെയാണ് അങ്ങനെ ചെയ്തിട്ടുള്ളത്. ഒരു തിരിച്ചു വരവിനായി ആരും ശ്രമിച്ചതായി അറിവില്ല. അമേരിക്കയില്‍ അങ്ങനെ ആരെങ്കിലും ശ്രമിച്ചാല്‍ അവര്‍ക്കതിന് സാധിക്കും. എന്നാല്‍ അവരുടെ മക്കള്ക്ക് ക്നാനായ സമുദായത്തില്‍ നിന്ന് ഇണയെ കണ്ടെത്താന്‍ പ്രയാസമായിരിക്കും. കാരണം, ക്നാനായക്കാര്‍ മക്കള്ക്ക് വിവാഹം ആലോചിക്കുമ്പോള്‍ മറ്റെന്തിനെക്കാള്‍ സമുദായത്തിന്റെ പാരമ്പര്യത്തിന് മുന്‍തൂക്കം നല്‍കുന്നവരാണ്.
എന്ന് വച്ചാല്‍ മാതാവോ പിതാവോ മാത്രം ക്നാനായ സമുദായാംഗം ആയിട്ടുള്ളവരെ ക്നാനായക്കാരായി സമുദായമോ സമുദായാംഗങ്ങളോ അംഗീകരിക്കുന്നില്ല. അങ്ങനെയുള്ളവരെ അംഗീകരിക്കണമെന്ന് പറയാന്‍ ഒരു നിയമവും അനുശാസിക്കുന്നുമില്ല. പിന്നെയെന്തിനാണ് ആര്‍ക്കാണ് ആശങ്ക? രക്തവും ജീവനും നല്‍കാന്‍ തയ്യാറുള്ളവര്‍ അത്രയ്ക്കൊന്നും മെനക്കെടേണ്ടതില്ല, മക്കള്ക്ക് വിവാഹാലോചന വരുമ്പോള്‍ വരന്‍റെ / വധുവിന്‍റെ മാതാപിതാക്കള്‍ ക്നാനായക്കാരാണോ എന്ന് മാത്രം ചിന്തിച്ചാല്‍ മതിയാകും.
സമുദായത്തിന് എന്തോ വലിയ പ്രതിസന്ധികള്‍ ഉണ്ടെന്നും അതിന്റെ ഉറവിടം അമേരിക്കയാണെന്നും അതില്‍ തങ്ങള്‍ക്കുള്ള ഉത്ക്കണ്ട വളരെ വലിയതാണെന്നും ഒക്കെ ക്നാനായ കത്തോലിക്കാ കോണ്‍ഗ്രസ് വിലയിരുത്തുകയുണ്ടായി. അതിനു അവര്‍ കണ്ടെത്തിയ ദിവസം ലോക വിഡ്ഢിദിനമായ ഏപ്രില്‍ ഒന്നാം തിയതിയായത് യാദൃശ്ചികമാകാം! അമേരിക്കയില്‍ സമുദായത്തിന് വെളിയില്‍ നിന്ന് വിവാഹം കഴിച്ചവര്‍ക്ക് ക്നാനായ മിഷനുകളില്‍ തുടരാമെന്ന് നിയമം അനുശാസിക്കുന്നുണ്ട് എന്ന മൂലക്കാട്ട് പിതാവിന്‍റെ വെളിപ്പെടുത്തലാണ് ഈ അങ്കലാപ്പുകള്‍ക്ക് ആധാരം.
ഇത് അമേരിക്കയില്‍ മാത്രമായി ഒതുങ്ങാതെ നാട്ടിലുള്ള എല്ലാ ക്നാനായ ഇടവകകളിലും അന്യ സമുദായത്തില്‍ നിന്ന് വിവാഹം ചെയ്തവര്‍ ഈ നിയമത്തിന്റെ ചുവടു പിടിച്ച് മാതൃ ഇടവകകളില്‍ ഇടിച്ചു കയറി സമുദായത്തെ നശിപ്പിക്കും എന്നൊക്കെയാണ് ആവലാതികള്‍ ! സമചിത്തതയോടെ ഈ വിഷയം ആരും കൈകാര്യം ചെയ്യുന്നില്ല എന്നുള്ളതാണ് ഈ വൈകാരിക വിക്ഷോഭങ്ങള്‍ ഇത്രയേറെ കൊട്ടിഘോഷിക്കാന്‍ കാരണമാകുന്നത്.
ക്നാനായ സമുദായാംഗങ്ങള്‍ നേതൃത്വം നല്‍കുന്നു എന്നവകാശപ്പെടുന്ന ബ്ലോഗുകളിലും ഇ മെയില്‍ ഗ്രൂപ്പുകളിലും ചിലതൊഴിച്ച് ബാക്കിയെല്ലാം ഈ വിഷയം സംബന്ധിച്ച് പൊള്ളയായ അസംബന്ധങ്ങള്‍ എഴുന്നള്ളിച്ച് തമ്മില്‍ തല്ലുകയാണ്. രക്തം നല്‍കി ജീവന്‍ നല്‍കി സമുദായത്തെ സംരക്ഷിക്കുമെന്ന് ചിലര്‍ ഗീര്‍വാണം മുഴക്കുന്നു. ഇതൊന്നും കാര്യമായി ഏശാത്തവരാണ് സാധാരണക്കാരായ സമുദായാംഗങ്ങള്‍ . അതുകൊണ്ട് തന്നെ അവര്‍ ഇതൊന്നും ആലോചിക്കുകയോ ചര്‍ച്ചകള്‍ നടത്തുകയോ പോലും ചെയ്യാതെ മക്കള്ക്ക് സമുദായാംഗങ്ങളായ ഇണകളെ അന്വേഷിക്കുകയും കണ്ടെത്തി വിവാഹം കഴിപ്പിക്കുകയും ചെയ്യും.
നൂറ്റാണ്ടുകളായി സമൂഹം നിലനില്‍ക്കാന്‍ ഇടയായതും സ്വവംശ വിവാഹനിഷ്ടയില്‍ പൂര്‍വികര്‍ ജാഗ്രത പുലര്‍ത്തിയത് കൊണ്ടാണു. അല്ലാതെ സംഘടനകള്‍ പ്രമേയം പാസക്കിയതിലൂടെയല്ല. സമുദായം മാറി വിവാഹം കഴിച്ചവര്‍ തികഞ്ഞ ബോധ്യതോടെയാണ് അങ്ങനെ ചെയ്തിട്ടുള്ളത്. ഒരു തിരിച്ചു വരവിനായി ആരും ശ്രമിച്ചതായി അറിവില്ല. അമേരിക്കയില്‍ അങ്ങനെ ആരെങ്കിലും ശ്രമിച്ചാല്‍ അവര്‍ക്കതിന് സാധിക്കും. എന്നാല്‍ അവരുടെ മക്കള്ക്ക് ക്നാനായ സമുദായത്തില്‍ നിന്ന് ഇണയെ കണ്ടെത്താന്‍ പ്രയാസമായിരിക്കും. കാരണം, ക്നാനായക്കാര്‍ മക്കള്ക്ക് വിവാഹം ആലോചിക്കുമ്പോള്‍ മറ്റെന്തിനെക്കാള്‍ സമുദായത്തിന്റെ പാരമ്പര്യത്തിന് മുന്‍തൂക്കം നല്‍കുന്നവരാണ്.
എന്ന് വച്ചാല്‍ മാതാവോ പിതാവോ മാത്രം ക്നാനായ സമുദായാംഗം ആയിട്ടുള്ളവരെ ക്നാനായക്കാരായി സമുദായമോ സമുദായാംഗങ്ങളോ അംഗീകരിക്കുന്നില്ല. അങ്ങനെയുള്ളവരെ അംഗീകരിക്കണമെന്ന് പറയാന്‍ ഒരു നിയമവും അനുശാസിക്കുന്നുമില്ല. പിന്നെയെന്തിനാണ് ആര്‍ക്കാണ് ആശങ്ക? രക്തവും ജീവനും നല്‍കാന്‍ തയ്യാറുള്ളവര്‍ അത്രയ്ക്കൊന്നും മെനക്കെടേണ്ടതില്ല, മക്കള്ക്ക് വിവാഹാലോചന വരുമ്പോള്‍ വരന്‍റെ / വധുവിന്‍റെ മാതാപിതാക്കള്‍ ക്നാനായക്കാരാണോ എന്ന് മാത്രം ചിന്തിച്ചാല്‍ മതിയാകും.
ഇതിനായി സബ്‌സ്ക്രൈബ് ചെയ്ത:
പോസ്റ്റുകള്‍ (Atom)